Shirika la Global Alliance for Improved Nutrition (GAIN) kwa kushirikiana na Jamhuri ya Muungano wa Tanzania limezindua programu ya miaka mitano ya ‘The Nourishing Food Pathway Programme (NFP)’ yenye lengo la kuharakisha mabadiliko ya mifumo ya kitaifa ya chakula.
Mpango huo wa miaka mitano wenye thamani ya euro milioni 50 pia utanufaisha nchi nyingine tano za Afrika na nchi nne za Asia ambazo zinakabiliwa na viwango vya juu vya utapiamlo.
Akizungumza jijini Dar es Salaam leo wakati wa uzinduzi huo, Mkuu wa Mpango wa GAIN Tanzania Dk Winfrida Mayilla alisema programu hiyo itatoa msaada wa kitaalamu na mbinu za kimkakati za Mabadiliko ya Mfumo wa Chakula nchini.
“Kwa kufanya kazi kwa karibu na mashirika ya serikali na washirika wengine wa maendeleo, programu inalenga kusaidia kufanya maamuzi jumuishi katika mifumo ya chakula na vipaumbele vya upatanishi wa sera vinavyotokana na michakato hiyo. Pia itaunganisha Tanzania na nchi nyingine za Afrika na Asia ili kubadilishana sera na mbinu bora,” alisema.
Aliongeza, “Kuwawezesha vijana katika maamuzi jumuishi juu ya jinsi tunavyolisha na kulisha watu pamoja na mamlaka za serikali za mitaa zinazoanzisha sera sahihi na madhubuti ni viwezeshaji muhimu kufikia mafanikio ya mfumo wa chakula nyingi ifikapo 2030.”
Aliendelea kusema pia itasaidia utekelezaji wa ahadi zilizotolewa na Tanzania kwenye Mkutano wa Umoja wa Mataifa wa Mfumo wa Chakula.
Zaidi ya kuimarisha michakato ya kufanya maamuzi ya mfumo wa chakula, programu itachunguza mikakati ya kuwafikia maskini zaidi kwa vyakula salama na vyenye lishe bora, na kufahamisha sekta binafsi kuwekeza zaidi kwenye mlo bora unaotokana na mifumo endelevu zaidi. Hata hivyo, mpango huo unazingatia sana ushahidi na data ambayo itaingia kwenye dashibodi ya mfumo wa kitaifa wa chakula nchini Tanzania.
Kwa upande wake, Katibu Mkuu wa Wizara ya Kilimo, Gerald Mweli, alisema mpango huo utasaidia zaidi kupunguza utapiamlo nchini kutoka asilimia 30 hadi 24 ifikapo mwaka 2030.
“Ni jambo la kupongezwa kwa kuwa GAIN imechukua hatua makini. Mpango huu unaathiri moja kwa moja jamii kwa sababu utapiamlo umekuwa changamoto kubwa katika jamii yetu kwa muda mrefu sasa. Mipango
