Rais wa Liberia Joseph Boakai siku ya Alhamisi alitia saini amri ya utendaji inayoashiria hatua kubwa kuelekea kuundwa kwa mahakama ya uhalifu wa kivita iliyokuwa ikisubiriwa kwa muda mrefu, zaidi ya miongo miwili baada ya kumalizika kwa vita vya wenyewe kwa wenyewe.
Takriban watu 250,000 walikufa wakati wa vita viwili vya wenyewe kwa wenyewe vya taifa hilo la Afrika Magharibi kati ya mwaka 1989 na 2003, ambavyo vilijulikana kwa ukatili wao na matumizi ya askari watoto.
Licha ya mahitaji ya kimataifa na ya ndani, Liberia bado haijamshtaki mtu yeyote kwa uhalifu uliofanywa wakati wa migogoro ya umwagaji damu, ambayo ilisababisha mauaji, ukeketaji, ubakaji na ulaji nyama.
Agizo la utendaji la Boakai ni hatua ya hivi punde zaidi katika kuanzisha mahakama ya uhalifu wa kivita, ambayo itasikiliza uhalifu dhidi ya ubinadamu uliofanywa katika kipindi hicho.
