Stefano Pioli amefukuzwa kazi kama kocha mkuu wa AC Milan miaka miwili baada ya kuwaongoza kutwaa ubingwa wa Serie A, miamba hao wa Italia walitangaza Ijumaa.
AC Milan ilisema katika taarifa kwamba Pioli, ambaye alikuwa chini ya mkataba hadi 2025, “ataondoka baada ya kumalizika kwa msimu huu, baada ya kuinoa Kikosi cha Kwanza tangu Oktoba 2019”.
Watamaliza nafasi ya pili msimu huu lakini wakiwa nyuma ya wapinzani wao wa jiji Inter, ambao walitwaa taji hilo kwa kuifunga timu ya Pioli mabao 2-1 mwishoni mwa Aprili.
Pioli alisifiwa kuwa shujaa mnamo 2022 baada ya kukabidhi kikosi kilichotawala katika soka ya Italia taji lao la kwanza la ligi tangu 2011.
Pia aliwaongoza hadi nusu fainali ya Ligi ya Mabingwa msimu uliopita — mara ya kwanza walikuwa wamefika mbali hivyo tangu kampeni ya 2006-2007 — ambapo walishindwa na Inter.
