Waziri Mkuu wa Israel Benjamin Netanyahu alisema Jumatatu kwamba “hayuko tayari kusimamisha” vita vinavyoendelea kwenye Ukanda wa Gaza, akidai kuwa matamshi ya Rais Joe Biden kuhusu pendekezo la kusitisha mapigano “si sahihi.”
“Siko tayari kusitisha vita,” shirika la utangazaji la KAN lilimnukuu Netanyahu akisema wakati wa majadiliano ya siri katika Kamati ya Mambo ya Nje na Ulinzi ya Knesset.
Alidai kuwa maelezo ya pendekezo la kusitisha mapigano lililowekwa na Biden “si sahihi.”
“Muhtasari ambao Biden aliwasilisha ni wa sehemu. Vita vitasimamishwa kwa madhumuni ya kuwarudisha mateka na kisha tutafanya majadiliano,” alisema.
“Kuna maelezo mengine ambayo hayajawekwa wazi. Tunaweza kusitisha mapigano kwa siku 42 ili kuwezesha kurejea kwa mateka, lakini hatutaacha lengo letu la ushindi kamili.”
Waziri Mkuu wa Israel alikataa kujadili idadi ya wafungwa wa Kipalestina ambao wataachiliwa kama sehemu ya makubaliano ya kubadilishana mateka.
“Hatutakubali kumaliza vita bila kufikia malengo ,” Netanyahu alisema. “Idadi ya mateka watakaoachiliwa katika awamu ya kwanza ya makubaliano bado haijabainishwa.”
