Chama Cha Mapinduzi Mkoa wa Iringa imechangia shilingi Millioni 9 kwenye hospitali ya Rufaa ya Tosamaganga Ipamba Iringa Vijijini, kwa ajili ya ujenzi wa ICU.
Mchango huo umetolewa leo jumatano trh 5 Juni 2024, kufuatia ziara ya Mwenyekiti wa CCM Mkoa wa Iringa Comrade Daud Yassin pamoja na Mjumbe wa Halmashauri Kuu ya CCM Taifa Comrade Salim Abri Asas walipotembelea hospitali hiyo na kuangalia maendeleo ya ujenzi wa vyumba vya ICU.
Akizungumza wakati wa kukabidhi mchango huo wa CCM, Mwenyekiti wa CCM Mkoa wa Iringa Daud Yassin alisema Chama Cha Mapinduzi Mkoa wa Iringa wameamua kuwa karibu na Wananchi pamoja taasisi zote zinazojihusisha na masuala halali ya kijamii, zikiwemo taasisi za Kidini.
Naye Mjumbe wa halmashauri Kuu ya CCM Taifa Salim Abri Asas, alitoa pongezi kwa madaktari na wauguzi wa hospitali hiyo Ipamba Tosamaganga kutokana na huduma nzuri wanazo toa kwa wagongwa wakati wote.
