Israel imewauwa takriban Wapalestina 21 katika mashambulizi yake ya anga kwenye Gaza iliyozingirwa katika siku ya tatu ya sikukuu ya Eid al Adha, kulingana na vyanzo vya matibabu.
Ndege za kivita za Israel zilishambulia nyumba tatu katikati mwa mji wa Deir al Balah na kuua watu 13 na kujeruhi wengine kadhaa.
Ndege zisizo na rubani za Israel ziliwauwa watu wawili zaidi wakati iliposhambulia kundi la raia katikati mwa Gaza, madaktari walisema.
Watu kadhaa pia wameripotiwa kuuawa na kujeruhiwa katika shambulizi la anga la Israel kwenye nyumba moja katika kitongoji cha Sheikh Radwan katika mji wa Gaza.
Ndege isiyo na rubani ya Israel iliwauwa watu wengine wawili katika mji wa Gaza, huku jeshi la Israel likiwaua wengine wawili katika mashambulizi yake ya mabomu huko al-Qarara mashariki mwa Khan Younis kusini mwa Gaza.
Timu za madaktari wa Palestina pia zimempata Mpalestina mmoja baada ya mashambulizi ya Israel yaliyolenga kundi la raia magharibi mwa Rafah kusini mwa Gaza. Mpalestina mwingine aliuawa na jeshi la Israel kwa moto mashariki mwa Rafah.
