Rais wa Afrika Kusini Cyril Ramaphosa ameapishwa kwa wadhifa wake wa pili Jumatano baada ya uchaguzi wa mwezi uliopita ambao ulikuwa wa kuchosha.
Ramaphosa alipokea saluti ya 21_gun, ndege za kijeshi na gwaride la heshima na wanajeshi.
Ramaphosa alipata wadhifa wake baada ya kupata kura nyingi miongoni mwa wabunge washirika wa African National Congress ANC, Democratic Alliance na vyama vingine vilivyounga mkono kugombea kwake bungeni wiki iliyopita.
Hii ilikuwa mara ya kwanza kwa ANC kushindwa kupata kura nyingi baada ya uchaguzi wa Mei 29 wakati vyama vingine kama vile chama cha Zuma Umkhonto WeSizwe (MK), chama washirika wa Malema Economic Freedom Fighters (EFF) na DA viliimarisha idadi yao bungeni.
Ramaphosa alishinda ipasavyo Bungeni dhidi ya mgombea wa ghafla ambaye pia aliteuliwa – Julius Malema wa chama cha siasa kali za mrengo wa kushoto cha Economic Freedom Fighters. Ramaphosa alipata kura 283 dhidi ya 44 za Malema katika bunge la wajumbe 400.
Afrika Kusini imekuwa ikikabiliwa na matatizo makubwa ambayo ni pamoja na baadhi ya viwango vya juu zaidi vya ukosefu wa ajira duniani, ukosefu wa usawa na uhalifu wa kutumia nguvu.
