Ni wazi kuwa kwa sasa Leonardo almaarufu kama Laughs On Leonardo ni moja kati ya wachekeshaji mahiri sana kutoka nchini Tanzania
Ucheshi wake pindi akiwa anatumbuiza kwenye jukwaa la Cheka Tu pamoja na video clips zake za mtandaoni zimepelekea kukuza jina lake ambapo kufikia sasa ameshakusanya zaidi ya followers Laki Tano kwenye ukurasa wake wa Instagram.
Haya hapa ni mambo manne usiyoyajua kuhusu mchekeshaji huyo wa Cheka Tu, Leonardo:
1.Elimu Yake
Leonardo ana Bachelor’s degree ya Water Resources and Irrigation Engineering ambayo ameipata kutoka Tanzania Water Institute maarufu kama Chuo Cha Maji.
Kabla ya kuingia chuo, Leonardo alipata elimu yake ya msingi kwenye shule ya msingi Kilakala, akamaliza elimu ya Sekondari Morogoro Secondary School huku elimu yake ya Form 5 na 6 aliipata pale Galanosi High School.
2.Maisha Kabla Ya Kuwa Maarufu
Leonardo alizaliwa jijini Dar Es Salaam ambapo mwaka 2007 akiwa na miaka 9 familia yake ilihamia Morogoro.
Aliishi mkoani Morogoro mpaka kipindi anajiunga na chuo cha maji kilichopo jijini Dar Es Salaam.
Akizungumza hivi karibuni kwenye mahojiano yake, Leonardo alidokeza kuwa kipindi akiwa mtoto alikuwa ni mcheshi na na mara nyingi alikuwa ni mtu anayependa sana utani.
3. Watu Waliomshawishi Kuingia Kwenye Comedy
Akizungumza hivi karibuni Leonardo alimtaja, Eddie Murphy, mchekeshaji na muigizaji kutoka Marekani kama moja ya watu waliomshawishi kuingia kufanya sanaa ya uchekeshaji na hii ni mara baada ya kutazama filamu au comedy special ya mchekeshaji ya kuitwa “Delorious” ambayo ilitoka mwaka 1983.
4. Kuingia Kwenye Sanaa Ya Uchekeshaji
Leonardo aliingia rasmi kwenye sanaa ya uchekeshaji mwaka 2019 alipojiunga na kampuni ya Punchline Comedy Club ambayo iko chini ya Evana Bukuku.
Na miaka miwili baadae aliweza kushinda Cheka Tu Comedy Search na kushinda kitita cha Milioni 10 na hivyo kuingia kujiunga rasmi na Cheka Tu.
