Rais wa Yanga Hersi Said amempokea mgeni wake Achraf Hakimi ambaye ni beki wa Kimataifa wa Morocco na Club ya PSG ya Ufaransa.
Hersi amempokea Hakimi katika uwanja wa ndege wa Kimataifa wa KIA (Kilimanjaro) kwa ajili ya kutembelea vivutio vya Utalii jijini Arusha, Hakimi ameongozana pia na rafiki zake wengine saba.
Kama utakuwa unakumbuka vizuri Hersi ambaye ni Rais pia Chama cha Vilabu barani Afrika (ACA) January 3 2024 alikuwa Paris Ufaransa kukutana na Rais wa PSG ambaye pia ni Rais wa Chama cha Vilabu Ulaya, Nasser Al-Khelaifi kwa mualiko maalum pamoja na kutazama fainali ya Trophée des Champions ambayo ilimalizika kwa PSG kutwaa Ubingwa kwa ushindi wa magoli 2-0 dhidi Toulouse na baada ya hapo Hersi alikutana na Wachezaji mbalimbali wa PSG kama Mbappe na Hakimi.
