Israel itatumia wiki zijazo kujaribu kusuluhisha mzozo na kundi linaloungwa mkono na Iran la Hezbollah na ingependelea suluhu la kidiplomasia, mshauri wa usalama wa taifa wa Israel alisema Jumanne.
Mshauri wa usalama wa taifa Tzachi Hanegbi alisema Israel imekuwa ikijadiliana na maafisa wa Marekani kuhusu uwezekano kwamba mwisho unaotarajiwa wa operesheni kali za kijeshi za Israel huko Gaza utaruhusu “mpango” kufikiwa na Hezbollah.
Hezbollah inayoungwa mkono na Iran ilianza kuishambulia Israel kutoka kaskazini muda mfupi baada ya kundi la Wapalestina la Hamas shambulio la Oktoba 7 kusini mwa Israel, ambalo lilisababisha vita huko Gaza.
Mashambulizi ya makombora kwenye mpaka wa kaskazini wa Israel yamesababisha makumi ya maelfu ya watu kuondolewa kutoka maeneo ya pande zote mbili za mpaka huo, na kumeongezeka katika wiki za hivi karibuni, na kusababisha hofu ya mzozo wa pande zote.
“Sisi na Wamarekani tunaamini na tutajitolea wiki sasa katika jaribio la kufikia mpango,” Hanegbi alisema katika mkutano wa Herzliya.
“Kama hakutakuwa na utaratibu kwa njia za kidiplomasia, kila mtu anaelewa kwamba lazima kuwe na utaratibu kwa njia nyingine. Kwa sasa tunapendelea kuzingatia kampeni ya kidiplomasia,” alisema.
Hanegbi pia alisema Israel inajadiliana na Washington kuhusu uwezekano wa juhudi za pamoja za Marekani, Ulaya na baadhi ya nchi za Kiarabu kutafuta mbadala wa utawala wa Hamas katika Ukanda wa Gaza.
