Seneta wa Ohio James David Vance ndiye mgombea mwenza mpya wa mgombea urais wa chama cha Republican Donald Trump. Maarufu zaidi kwa jina la J.D. Vance, mwenye umri wa miaka 39 amekubali uteuzi wake kwa nafasi ya makamu wa rais wa Marekani siku ya Jumatano usiku, Julai 17, mbele ya wajumbe wa chama chama cha Republican waliokusanyika katika mkutano wao huko Milwaukee, katika jimbo la Wisconsin.
Kwa kukubali rasmi uteuzi wake, J.D. Vance anakuwa mmoja wa wagombea wenye umri mdogo zaidi wa makamu wa rais wa Marekani akiwa na umri wa miaka 39.
Sasa mgombea mwenza wa Donald Trump, J.D. Vance anaahidi kutetea tabaka la wafanyakazi wa Marekani, haswa katika jimbo lake kuu la “Rust Belt” lisilo kuwa na viwanda, ambako anatoka na ambalo ni moja ya majimbo ambayo uchaguzi wa urais unaangaliwa kwa ukaribu.
“Tunaenda kujenga viwanda vipya. Tutaacha kununua nishati yetu kutoka kwa nchi zinazotuchukia na tutaizalisha hapa, na wafanyakazi wa Marekani, Pennsylvania, Ohio na kote nchini,” amesema.
