Waziri Mkuu wa Israel Benjamin Netanyahu atazuru Marekani huku Rais Joe Biden akijiondoa kwenye kinyang’anyiro cha urais 2024.
Netanyahu atawasili Washington, DC mwishoni mwa Jumatatu na amepangwa kukutana na Biden siku ya Jumanne katika Ikulu ya White House kabla ya hotuba yake kwa kikao cha pamoja cha Congress Jumatano.
Baadhi ya maseneta, akiwemo Bernie Sanders, tayari walisema hawatahudhuria hotuba yake.
Biden na Netanyahu watajadili njia za kufikia makubaliano ya kusitisha mapigano katika Ukanda wa Gaza na kurejea kwa mateka.
Upepo wa kisiasa unaobadilika kwa kasi unaweza kumtia ujasiri kiongozi huyo wa Israel, wachambuzi walisema, katika wakati muhimu katika mazungumzo ya kusitisha mapigano Gaza.
Netanyahu ameshutumiwa na wakosoaji kwa kurefusha vita kwa manufaa yake ya kisiasa, madai ambayo anayakanusha.
Anaendelea kusisitiza kuwa Israel lazima ipigane hadi Hamas iangamizwe, lengo ambalo majenerali wake wamesema haliwezi kufikiwa.
