Aaron Wan-Bissaka yuko tayari kukamilisha uhamisho wake wa kwenda West Ham, ambayo itaiwezesha Manchester United kumsajili mchezaji wa Bayern Munich, Noussair Mazraoui.
Kulingana na The Athletic, beki huyo wa pembeni na wawakilishi wake walifanya mazungumzo ya mwisho na The Hammers siku ya Jumapili kabla ya kufikia makubaliano ya kibinafsi na klabu hiyo. Mchezaji huyo ataweka kalamu kwenye mkataba wa miaka mitano na Red Devils watapokea ada ya uhamisho ya £15m (€17m/$19m).
Kuondoka kwa mchezaji huyo mwenye umri wa miaka 26 hivi karibuni kutoka Old Trafford kunamaanisha kwamba United sasa wataweza kukamilisha uhamisho wa beki wa Bayern Munich Mazraoui.
Mwishoni mwa wiki iliripotiwa kuwa klabu ya Manchester ilikuwa imefikia makubaliano na Bayern kuhusu uhamisho wa Mmorocco huyo huku wakikubali kulipa €15m (£12m/$15m) pamoja na €5m (£4m/$5m) ya bonasi. Hatua hiyo, hata hivyo, ilitegemea uhamisho wa Wan-Bissaka.
Baada ya kuanza vibaya kwa msimu mpya ambapo vijana hao wa Erik ten Hag walipoteza Ngao ya Jamii kwa wapinzani wao Manchester City, klabu hiyo sasa itamenyana na Fulham katika mechi ya ufunguzi wa pazia la Ligi ya Premia Ijumaa huko Old Trafford.
