Kocha wa Real Madrid Carlo Ancelotti amepuuzilia mbali ripoti zinazomhusisha mchezaji nyota Vinícius Júnior na kuhamia Saudi Arabia kama “uvumi tu.”
Ancelotti alizungumza mjini Warsaw kabla ya mechi ya kwanza ya Madrid msimu huu Jumatano, UEFA Super Cup dhidi ya Atalanta, ambapo alisema mchezaji mpya Kylian Mbappé anaweza kucheza mechi yake ya kwanza.
ESPN iliripoti Jumatatu kwamba Vinícius, 24, alikuwa akizingatia pendekezo kutoka kwa Saudi Pro League, ingawa mchezaji huyo wa kimataifa wa Brazil ana furaha nchini Uhispania na Real Madrid hawataki mchezaji huyo aondoke.
“Hakuna chochote,” Ancelotti alisema.
“Kuna uvumi tu, kwa wakati huu katika soko la [uhamisho], ambalo litafungwa Agosti 31. Kuna uvumi tu, hakuna kingine.”
