SHIRIKISHO la Soka la Brazil (CBF) lilisema Jumatano litasitisha awamu mbili zijazo za Ubingwa wa Brazil, zinazotarajiwa kuchezwa wikendi mbili zijazo, kutokana na mafuriko yaliyosababishwa na rekodi ya mvua huko Rio Grande do Sul.
Mechi za timu hizo tatu kutoka Rio Grande do Sul -Gremio, Internacional na Juventude – tayari zilikuwa zimesitishwa hadi Mei 27, baada ya mvua kusababisha uharibifu mkubwa katika mkoa huo, pamoja na kujaa kwa viwanja, vituo vya mazoezi na viwanja vya ndege.
Uamuzi wa kuahirisha mchujo wa saba na wa nane ulichukuliwa baada ya CBF kushauriana na vilabu 20 vya Brasileirao, 15 kati yao viliomba michuano hiyo isitishwe hadi Mei 27.
Katika tarehe hiyo, baraza la kiufundi la ligi kuu ya Brazil litakutana kujadili uwezekano wa kusimamisha mashindano hayo kabisa.
Bodi inayoongoza ya kandanda ya Amerika Kusini, CONMEBOL, iliahirisha mechi za Libertadores na Sudamericana mapema mwezi huu kutokana na janga hilo.
