Urusi imeilenga Ukraine kwa wimbi jingine la mashambulio, siku moja baada ya moja ya mashambulizi yake makubwa ya anga ya vita.
Tahadhari za uvamizi wa anga zilitolewa mapema Jumanne, wakati wachunguzi wa Ukraine walipogundua ndege ya Urusi ikirusha makombora ya hypersonic.
Mashambulizi makubwa ya ndege zisizo na rubani pia yameripotiwa.
Vikosi vya ulinzi wa anga vya Ukraine vinasema kuwa nchi nzima iko katika tishio la mashambulizi ya silaha za balestiki.
Taarifa kutoka wizara ya ulinzi ya Urusi ilisema silaha za masafa marefu za anga na baharini zimetumika kushambulia vituo vya umeme na miundombinu inayohusiana muhimu kote Ukraine, ikiwa ni pamoja na katika mikoa ya Kyiv, Lviv na Kharkiv na Odesa.
