Erik ten Hag tayari anakabiliwa na shinikizo kubwa baada ya kuanza vibaya msimu huu,United iliaibishwa kwa mabao 3-0 nyumbani na Liverpool baada ya kufungwa pia na Brighton, na kuwaacha na ushindi mmoja pekee katika michezo yao mitatu ya kwanza – ushindi wa kwanza wa 1-0 dhidi ya Fulham siku ya kwanza.
Naye mlinzi wa zamani wa Ufaransa, Gallas, ambaye alishinda Ligi ya Premia mara mbili akiwa na Chelsea, anafikiri Tuchel ndiye anafaa zaidi kukabiliana na changamoto hiyo ya Old Trafford. Alisema: “Manchester United, kutokana na kile nilichokiona, wana nafasi ndogo sana ya kumaliza katika nafasi nne za juu msimu huu.
“Kwa uaminifu kabisa sidhani itachukua muda mrefu kabla ya Erik ten Hag kufutwa kazi. Je, wanaweza vipi kupoteza 3-0 nyumbani kwa Liverpool? Wachezaji wao wa zamani lazima wawe na wazimu baada ya kile walichokiona wakati wa mchezo huo kwenye uwanja wa Old Trafford.
“Haikubaliki. Kama watashindwa na Southampton na akafukuzwa, sitashangaa.
“Wamesajili wachezaji wapya zaidi na sasa ni msimu wake wa tatu. Labda Manchester United ni klabu kubwa sana kwa Erik ten Hag. Shinikizo ni kubwa kwake. Thomas Tuchel anaweza kuwa suluhisho la matatizo ya Manchester United.”
Tuchel Mjerumani – ambaye alishinda Ligi ya Mabingwa akiwa na Chelsea mnamo 2021 – alihusishwa pakubwa na kiti moto cha Old Trafford msimu uliopita na kwa sasa hana kazi baada ya kuondoka Bayern Munich mwishoni mwa msimu.
