Kwa kipindi cha miezi nane iliyopita, watu 51 wamefariki na zaidi ya 20,000 wameambukizwa virusi vya Dengue katika kanda ya Western Visayas, Ufilipino, kwa mujibu wa ripoti za vyombo vya habari vya serikali.
Kulingana na ripoti ya Shirika la Habari la Ufilipino, kanda hiyo imepokea wagonjwa 20,814 waliougua homa ya Dengue, ugonjwa unaosababishwa na virusi vinavyosambazwa na mbu. Mikoa iliyokumbwa vibaya ni Iloilo, yenye visa 8,039 na vifo 23, na Negros Occidental yenye visa 3,296 na vifo 10.
Kwa ujumla, kanda ya Visayas imeripoti visa 5,711 na vifo 25 katika miezi ya mwanzo ya mwaka 2023.
Daktari Bea Camille Natalaray, mratibu wa programu ya magonjwa ya kuibuka na kuenea upya, alisema kuwa hospitali zimepewa maelekezo kuhusu namna ya kudhibiti wimbi la wagonjwa, ingawa si kila mgonjwa wa Dengue anahitaji kulazwa hospitalini.
Kwa sasa, hakuna tiba maalum ya ugonjwa wa Dengue, ambao unasambazwa kwa binadamu kupitia mbu waliombukizwa.
