Mashambulizi ya ndege zisizo na rubani za Urusi usiku kucha yalilenga vituo vya nishati kaskazini mashariki mwa Ukraine, maafisa walisema Jumanne.
Mashambulizi hayo yaliondoa nguvu katika eneo la Sumy, ambapo maafisa walisema kwamba ulinzi wa anga wa Ukraine ulidungua ndege 16 zisizo na rubani.
Shambulio hilo dhidi ya Sumy lilikuwa ni sehemu ya shambulio kubwa zaidi la ndege zisizo na rubani, ambapo jeshi la Ukraine lilisema liliangusha jumla ya ndege 34 kati ya 51 za Urusi.
Maingiliano pia yalifanyika katika mikoa ya Kharkiv, Kherson, Mykolaiv na Poltava.
Wizara ya Ulinzi ya Urusi ilisema Jumanne ilizitungua ndege 15 za Ukraine zisizo na rubani katika eneo la Bryansk, ambapo mamlaka ziliripoti kuwa hakuna uharibifu au majeruhi. Ndege nyingine isiyo na rubani ya Ukraine ililenga eneo la Kursk la Urusi.
Jeshi la Urusi lilisema Jumatatu lilitwaa tena udhibiti wa vijiji viwili vya Kursk, kama sehemu ya shambulio la kurudisha nyuma uvamizi wa wanajeshi wa Ukraine ambao ulianza mapema Agosti.
Urusi ilisema ilichukua tena Uspenovka na Borki, siku chache baada ya kusema kuwa ilichukua udhibiti wa vijiji vingine 10. Hali katika eneo hilo ni ngumu kudhibitisha kwa uhuru.
