Kevin Hart alishangaza watazamaji huko Inglewood, California kwenye tamasha la Usher hii ni baada ya mchekeshaji huyo kutumbuiza bila shati, akimuiga Usher na kuimba ‘Nice & Slow.’
Usher alijiunga haraka na Hart jukwaani, na kumuuliza ‘Unafanya nini?!’
Hart kisha alitania kuhusu makubaliano ya kuimba wimbo huo, kabla ya kuondoka hatimaye akazua maneno mengi mitandaoni.
‘Katika hali ya kushangaza, Kevin Hart alipanda jukwaani wakati wa tamasha la Usher huko Inglewood, California, kiasi cha kushtua na kufurahisha watazamaji’ vyanzo vya habari vya burudani vilisema.
Video hiyo iliyopostiwa na mwigizaji Lance Gross kwenye Instagram, video hiyo inamwonyesha Hart akicheza jukwaani na stendi ya maikrofoni, akifanya onyesho lake bora zaidi la kumuiga Usher Raymond.
Utani huo uliendelea huku Kevin Hart akimwambia Usher kwamba walikubali kuwa angeimba wimbo mmoja, lakini nguli huyo wa R&B alisisitiza kuwa alimwambia “hapana.”
Hii si mara ya kwanza kwa Hart kuanya utani kama huu kwani mnamo 2020, aliingilia kwa ucheshi mkutano wa waandishi wa habari wa Trey Songz baada ya onyesho lake kwenye ESSENCE Fest.
