Siku ya Alhamisi, Ghana ilirekodi kisa chake cha kwanza cha mpox mwaka huu, huku sehemu za Afrika zikikabiliana na milipuko.
Kulingana na maafisa wa afya wa eneo hilo, mtoto aliyeathiriwa, ambaye hali yake inaendelea vizuri, ametengwa, na wale waliowasiliana naye wanafuatiliwa. Upimaji pia unaendelea.
Zaidi ya kesi 200 zinazoshukiwa zinaendelea kuchunguzwa nchini humo.
Mnamo Agosti, WHO ilianzisha kiwango chake cha juu zaidi cha tahadhari kufuatia kuongezeka kwa mpox katika sehemu za Afrika, na kuibuka kwa lahaja mbaya zaidi ya ugonjwa – clade 1b.
Kulingana na maafisa, clade 1b imerekodiwa katika Jamhuri ya Kidemokrasia ya Kongo, kitovu cha mlipuko huo, pamoja na Burundi, Uganda, Kenya na Rwanda, ambapo chanjo zinaendelea.
Takriban visa 35,000 vya ugonjwa huo unaosababisha homa na vidonda vya ngozi vimeripotiwa barani humo tangu kuanza kwa mwaka huu. Shirika la afya la Afrika CDC linasema janga hilo ‘halijadhibitiwa’.
Kesi chache ziliripotiwa nje ya bara la Afrika mapema mwaka huu, zikiwemo nchini Uswidi na Pakistan.
