Kiongozi wa moja ya magenge yenye nguvu zaidi nchini Haiti amejeruhiwa katika tukio la ufyetulianaji risasi na polisi ya Haiti na Kenya katika uvamizi wa kwanza mkubwa kwenye eneo linalodhibitiwa na magenge.
Maafisa wa polisi wamesema kuwa wanachama wengine 20 wa genge hilo waliuawa wakati wa operesheni zilizofanywa siku ya Jumamosi na Jumatatu, na kuongeza kuwa walinasa bunduki, risasi, simu pamoja na vifaa vingine.
Polisi imesema msako huo utaendelea hadi genge hilo na kiongozi wake mkuu Vitel’Homme Innocent, litakapodhibitiwa.
Katika taarifa, polisi ya Kenya inayoongoza ujumbe huo wa Haiti, imetoa wito kwa Innocent kukoma kufanya ukatili dhidi ya raia wa Haiti wasiokuwa na hatia.
