Huku Israel ikiendelea kufanya mashambulizi ya anga nchini Lebanon, Ufaransa imeahidi kutoa dola milioni 108 kuisaidia Lebanon katika mkutano wa kimataifa mjini Paris siku ya Alhamisi.
Rais Emmanuel Macron alisema “msaada mkubwa” unahitajika kusaidia nchi hiyo ambayo inakabiliwa na mzozo wa kibinadamu unaokua.
Vita kati ya wanamgambo wa Hezbollah wanaoungwa mkono na Iran na Israel vimesababisha vifo vya zaidi ya Walebanon 2,500.
Pia imeona kuhamishwa kwa wengine zaidi ya milioni na kuzidisha mzozo wa uchumi wa nchi.
“Kwa muda mfupi, msaada mkubwa unahitajika kwa wakazi wa Lebanon, kwa mamia ya maelfu ya watu waliokimbia makazi yao kutokana na vita na kwa jumuiya zinazowakaribisha,” Macron alisema katika hotuba yake ya ufunguzi wa mkutano huo.
“Kinachohitajika ni kutunza familia, kulisha watoto, kutunza majeruhi na kuendelea kutoa elimu kwa wanafunzi,” alisema.
