Uturuki inasema hatua ya Israel ya kupiga marufuku UNRWA inakiuka sheria za kimataifa .
Wizara ya mambo ya nje ya Uturuki ilisema Jumanne kwamba uamuzi wa Israel wa kupiga marufuku shirika la Umoja wa Mataifa la kutoa misaada UNRWA kufanya kazi ndani ya nchi hiyo ni ukiukaji wa wazi wa sheria za kimataifa ambazo zililenga kuwazuia Wapalestina waliokimbia makazi yao kurejea nyumbani.
Bunge la Israel lilipitisha sheria siku ya Jumatatu ya kupiga marufuku UNRWA kufanya kazi ndani ya Israel, na kuwatia hofu baadhi ya washirika wa Israel wa Magharibi ambao wanahofia hii itazidisha hali mbaya ya kibinadamu ambayo tayari iko katika Gaza.
“Ni wajibu wa kisheria na kimaadili wa jumuiya ya kimataifa kuchukua msimamo mkali dhidi ya majaribio ya kupiga marufuku UNRWA, ambayo ilianzishwa na azimio la Baraza Kuu la Umoja wa Mataifa,” wizara hiyo ilisema katika taarifa yake.
“Kama Mwenyekiti wa Kikundi Kazi cha Ufadhili wa UNRWA, Türkiye itaendelea kutoa usaidizi wa kisiasa na kifedha kwa Wakala,” iliongeza.
