Rais wa Urusi Vladimir Putin siku ya Jumanne alitia saini agizo la kuruhusu Moscow kutumia silaha za nyuklia pamoja na ndege zisizo na rubani dhidi ya taifa lisilo la nyuklia ikiwa litaungwa mkono na mataifa yenye nguvu za nyuklia.
Wiki chache tu kabla ya uchaguzi wa rais wa Novemba wa Marekani, Putin aliamuru mabadiliko ya fundisho la nyuklia kusema kwamba shambulio lolote la kawaida dhidi ya Urusi likisaidiwa na nguvu za nyuklia linaweza kuzingatiwa kuwa shambulio la pamoja dhidi ya Urusi.
Hatua hiyo imekuja katika siku ya 1,000 ya mashambulizi ya Urusi dhidi ya Ukraine na baada ya Marekani kuipa Kyiv ruhusa ya kutumia makombora ya masafa marefu kushambulia maeneo ya kijeshi ndani ya Urusi.
Urusi itaona uchokozi dhidi yake au washirika wake unaofanywa na taifa lisilo la nyuklia linaloungwa mkono na mataifa mengine yenye nguvu za nyuklia kama shambulio la pamoja, waraka huo uliowekwa mtandaoni ulisema.
