Timu ya Mpira wa Kikapu ya Dar City imefanikiwa kutwaa Ubingwa wa Kikapu wa NBL (National Basketball League) jijini Dodoma baada ya kuifunga ABC kwa vikapu 78-46.
Dar City wametwaa Ubingwa huo Dodoma juzi katika viwanja vya Chinangali Park na kurejea leo Dar es Salaam wakiwa Mabingwa wa Tanzania na sasa Wataanza harakati za kucheza BAL (Basketball African League) mwakani.
Msemaji wa Dar City Baba Levo ametumia fursa hiyo kumshukurua Hasheem Thabit Mtanzania pekee aliyewahi kucheza NBA ya Marekani kukubali kucheza timu yao na kuipa Ubingwa kwakuwa hawakuwa na pesa za kumlipa.
“Shukrani ziende kwa Wachezaji ambao wamejitolea kama Hasheem Thabit hatukuwa na uwezo wa kumlipa hapa Tanzania lakini amekubali kuja kupambana kuhakikisha tunaipeperusha bendera ya Tanzania Kimataifa, Hasheem ametuheshimisha sana hatukuwa na uwezo wowote wa kumpa hizo hela”>>> Baba Levo
