Salamu za rambi rambi zimeanza kumiminika kwa ndugu, jamaa na marafiki wa Dkt. Faustin Ndugulile, Mbunge wa Kigamboni aliyefariki usiku wa kuamkia Alhamisi Novemba 27.
Faustin Ndugulile, ndiye Mkuruguenzi Mteule wa Shirika la Afya Duniani WHO, Kanda ya Afrika, nafasi aliyoshinda October mwaka huu katika uchaguzi dhidi ya wagombea wengine wanne
Taarifa iliyotolewa na Spika wa Bunge Mhe. Dkt. Tulia Ackson (Mb) imeeleza kuwa kifo cha Mbunge wa Kigamboni, Mheshimiwa Dkt. Faustine Ndugulile kimechotokea usiku wa kuamkia leo tarehe 27 Novemba, 2024 nchini India alipokuwa akipatiwa matibabu.
“Nimepokea kwa masikitiko makubwa taarifa ya kifo cha Mbunge wa Kigamboni na Mkurugenzi Mteule wa Shirika la Afya Duniani (WHO), Kanda ya Afrika, Mheshimiwa Dkt. Faustine Ndugulle.
Kwa niaba ya Wabunge natoa pole kwa familia, wakazi wa Kigamboni na Watanzania wote. Mwenyezi Mungu ailaze roho ya marehemu mahala pema peponi”, amesema Spika.
