Ndege ndogo imeanguka katika eneo la watalii kusini mwa Brazil, na kuua watu wote 10 waliokuwa ndani ya ndege hiyo na kujeruhi zaidi ya watu kumi na wawili waliokuwa chini, maafisa wamesema.
Piper PA-42-1000 ya injini-mbili iligonga bomba la moshi la nyumba na ghorofa ya pili ya nyumba tofauti kabla ya kuanguka kwenye duka katika kitongoji kikubwa cha makazi cha Gramado muda mfupi baada ya kuruka kutoka Canela, shirika la Ulinzi la Raia la Brazil lilisema Jumapili.
Gavana wa Rio Grande do Sul Eduardo Leite aliambia mkutano wa wanahabari kwamba mmiliki na rubani wa ndege hiyo, Luiz Claudio Galeazzi, aliuawa pamoja na watu tisa wa familia yake.
Leite alisema kuwa watu 17 waliokuwa chini walijeruhiwa, 12 kati yao wanaendelea kupokea matibabu hospitalini.
