Ikinukuu takwimu za Unicef, shirika la Umoja wa Mataifa la wakimbizi wa Kipalestina (Unrwa) limesema kuwa watoto 14,500 wa Kipalestina wameuawa tangu kuanza kwa vita vya Israel kwenye eneo hilo Oktoba mwaka jana kulingana na The Guardian
Katika chapisho kwenye X, Unrwa, ambayo imepigwa marufuku kufanya kazi ndani ya Israel na kukalia kwa mabavu Jerusalem Mashariki na bunge la Israel, aliandika:
“Mtoto mmoja anauawa kila saa na hizi sio nambari kamili Haya ni maisha yaliyokatishwa
“Kuua watoto haiwezi kuhesabiwa haki. Wale waliookoka wana majeraha ya kimwili na kihisia-moyo.
“Kwa kunyimwa kujifunza, wavulana na wasichana huko Gaza hupepeta vifusi.
“Saa inayoyoma kwa watoto hawa. Wanapoteza maisha yao, maisha yao ya baadaye na zaidi matumaini yao.
Inakadiriwa kuwa idadi ya waliofariki kutokana na mashambulizi ya anga ya Israel huko Gaza (mapema Desemba mwaka huu) ilikuwa zaidi ya 44,000 na tathmini ya hivi karibuni ya Ofisi ya Haki za Kibinadamu ya Umoja wa Mataifa iligundua kuwa 44% ya vifo iliweza kuthibitisha ni watoto.
Takriban Wapalestina milioni 1.9 huko Gaza, takriban 90% ya jumla ya wakazi wa eneo hilo, wamelazimika kuyahama makazi yao, mara kadhaa.
Nusu ya idadi hiyo ni watoto ambao wamepoteza makazi yao na kulazimika kukimbia vitongoji vyao.
