Israel inaripotiwa kushiriki katika mawasiliano ya siri na utawala wa Bashar Assad aliyepinduliwa nchini Syria katika miaka ya hivi karibuni kwa kutumia programu ya ujumbe wa WhatsApp, kulingana na ripoti ya Ijumaa ya gazeti la Yedioth Ahronoth.
Ilisema Israel ilifanya oparesheni za siri ili kupata mawasiliano na Assad na watu wake wa ndani, kutuma ujumbe kupitia maajenti wa kijasusi wa Israel wakijifanya “Musa” kwenye WhatsApp. Jumbe hizo zinadaiwa kuwafikia maafisa wa ngazi za juu mjini Damascus.
Operesheni moja inaripotiwa kutaka kujadili makubaliano ya siri ambapo Assad atasitisha uhamishaji wa silaha kwenda Lebanon kwa kubadilishana na kuondoa vikwazo vya kimataifa dhidi ya serikali yake.
Ripoti hiyo ilibainisha kuwa kufikia mwisho wa 2019, Yossi Cohen, mkuu wa wakati huo wa shirika la kijasusi la Israel, Mossad, alipangiwa kukutana na Assad huko Kremlin. Assad, hata hivyo, alijiondoa kwenye mkutano huo.
Kurugenzi ya Ujasusi ya Kijeshi, inayojulikana kama Aman, inadaiwa kutuma ujumbe huo kwa Waziri wa Ulinzi wa Syria wakati huo Ali Abbas kufuatia mashambulizi ya anga ya Israel katika maeneo ambayo ilidai yanahusishwa na Iran au Hezbollah nchini Syria.
Assad, kiongozi wa Syria kwa takriban miaka 25, alikimbilia Urusi baada ya makundi yanayopinga utawala kuchukua udhibiti wa Damascus mnamo Desemba 8, na kumaliza utawala wa Chama cha Baath, ambacho kilikuwa madarakani tangu 1963.
Unyakuzi huo ulikuja baada ya wapiganaji wa Hayat Tahrir al-Sham kuteka miji muhimu katika mashambulizi ya radi ambayo yalidumu chini ya wiki mbili
