Madereva wa Bodaboda Wilaya ya Handeni Mkoani Tanga wamefanya maandamano ya amani na kufanya usafi katika Hospital ya Wilaya hiyo lengo ikiwa ni kuunga mkono jitihada za kimaendeleo zilizofanywa na Serikali ya awamu ya sita chini ya Rais Dkt. Samia Suluhu Hassan
Akizungumza katika zoezi hilo Mwenyekiti wa Kijiji cha Mkata Mashariki Zamini Kafuluma amesema kutokana na mradi mkubwa wa Hospitai ya Wilaya ya Handeni umewapunguzia changamoto ya umbali wa upatikanaji wa huduma za kiafya na kuahidi kutoa ushirikiano katika utekelezaji wa miradi hiyo kwa maendeleo endelevu
“Kijiji hiki au eneo hili lilikuwa na uhaba mkubwa sana wa huduma za afya ilikuwa inasababisha katika eneo hili kukipatikana ajali wagonjwa wapelekwe kwenye maeneo ambayo ni ya mbali ambapo ni Bombo ambapo ni Tanga Mji, au Teule Muheza au Korogwe au apelekwe hospitali ya Kibaha Tumbi
Lakini kwasasa tunashkuru Mhe. Rais kwa jitihada zake ametuletea mradi mkubwa wa hospitali kubwa ambayo ipo hapa katika Mji wetu wa Mkata”
Hata hivyo Ameeleza namna wanavyoshirikiana na Jeshi la Polisi katika Wilaya hiyo licha ya changamoto ya uhaba ya usafiri katika kituo cha polisi na kuiomba Serikali kuingilia kati suala hili
“Jeshi la polisi wanajitahidi sana kwenye usalama barabarani lakini changamoto za ajali zinapojitokeza huwa wanapata changamoto za usafiri gari yao ni mbovu kwahiyo Mhe. Rais kama itakupendeza kituo cha polisi cha Mkata waweze kupata gari ili waweze kufika kwenye maeneo kwa wakati”
