Mwenyekiti wa Chama cha madereva wa masafa marefu Tanzania Hassan Dede amesema mpaka sasa madereva 43 waliokwama katika mji wa goma wameokolewa na vyombo vya ulinzi kwa kupelekwa nchini Rwanda na baadae kutafutiwa usafiri wa magari binafsi kurudishwa nchini wakiwa salama huku magari yao wakiyaacha Congo ili kuokoa uhai wao.
Akiongea na AyoTV Hassan Dede amesema anashukuru serikali kupitia balozi wa Tanzania nchini Congo na Rwanda walisaidia kuwapata madereva hao ambao walikwama kutoka na vita inayoendelea kati ya jeshi la DRC Congo na wanamgambo wa M23.
“Magari yalivamia palepale,tulichokiona ni kuokoa uhai wao kuwatoa waliponasa na kuwatafutia usafiri kwa kushirikia na balozi zetu kuwaleta mpaka Tanzania, lakini inasadikiwa kuna madereva wenginebaadhi wapo maeneo mengine,serikali na sisi tunaendelea kuwatafuta waweze kurudishwa salama nchini”
