Ligi kuu ya Uingereza maarufu kama Barclays Premier League imeendelea tena leo kwa michezo kadhaa kupigwa, huku mchezo wa Chelsea vs Leicester City ukichukua nafasi kubwa kwenye vyombo vya habari.
Mchezo huo uliomalizika hivi punde ulipigwa kwenye dimba la Stamford Bridge na Chelsea wakitoka kifua mbele kwa ushindi wa 2-0.
Diego Costa kwa mara nyingine alifanikiwa kuifungia Chelsea baada ya kufanya hivyo kwenye mechi ya kwanza.
Costa alifunga goli la kwanza dakika chache baada ya kipindi cha pili kuanza, na dakika kadhaa Hazard akawainua tena mashabiki wa Darajani kwa goli safi.
Leicester City watajilaumu wenyewe kwa kushindwa kupata matokeo chanya kutokana na kupoteza nafasi za kufunga mara kwa mara.
Matokeo mengine yapo kama ifuatavyo: Swansea 1-0 Burnley, Southampton 0-0 West Brom, Crystal Palace 1-3 West Ham
