Polisi Jijini Nairobi nchini Kenya wanafanya uchunguzi ambapo mwanamke aitwaye Jesca Sibwe mwenye umri wa miaka 42 ambaye amekutwa amefariki dunia baada ya kulala guesti usiku kucha na shemeji yake aitwaye John Kisongona Mareko.
Inasemekana marehemu Jesca Sibwe ambaye anatoka Kasarani alianza kuugua ghafla kabla ya kukimbizwa katika hospitali ya rufaa ya Kenyatta.
Kulingana na ripoti ya Polisi, Jesca alialikwa na ndugu wa kiume wa mumewe John Mareko kwenye hoteli inayoitwa Graceland maeneo ya Dubois siku ya Jumatano, Septemba 23,2020.
Mareko alikuwa amewasili saa moja kutoka Malindi ambapo wawili hao walilala katika hoteli ya Graceland.
Inaelezwa kuwa Mwanamke huyo alianza kukohoa ndipo wakaita taxi ya kumkimbiza hospitali ambapo Madaktari walithibistisha tayari alikuwa amekata roho.
Mwili wake ulipelekwa chumba cha kuhifadhia maiti ukisubiri upasuaji huku Maafisa kutoka Idara ya Upelelezi wakianzisha uchunguzi kuhusiana na kisa hicho.
VIKOSI VYA JESHI VIKIFANYA MAZOEZI “LAZIMA TUWE TAYARI MUDA WOWOTE “
