Mwanafunzi wa darasa la nane katika Shule ya Msingi Sikura katika Kaunti ya Busia nchini Kenya amefariki baada ya kupaliwa na kushindwa kupumua vizuri wakati akishiriki shindano la kula lililoandaliwa Shuleni hapo.
Mwanafunzi huyo mwenye umri wa miaka 16 amefariki baada ya kipande cha mkate kuingia kwenye koo la hewa na kumfanya ashindwe kupumua na akapelekwa Hospitali ya Bulwani ambako umauti ulimfika.
Mtoto huyo alikuwa ni miongoni mwa Watoto waliokua wanashindana kula mkate na soda na aliyekuwa wa kwanza kumaliza akiahidiwa zawadi, Polisi wamesema wanachunguza tukio hilo kwa undani.
