Je, umewahi kuona au kuskia Komando wa jeshi akishiriki mashindano ya urembo? Pengine haujawahi kuskia kutokana na majukumu ya ulinzi wa taifa kuonekana kuwa kazi ngumu sana ila ni tofauti kwa mwanadada Madison Marsh mwenye umri wa miaka 22, kutokea eneo la Fort Smith, jimbo la Arkansas, nchini Marekani bametengeneza historia mpya nchini humo baada ya kushinda taji kubwa zaidi la urembo nchini humo, katika hafla iliyofanyika katika mji wa Orlando, katika jimbo la Florida usiku wa kuamkia leo.
Luteni wa Pili wa jeshi la anga la nchini Marekani Madison Marsh alitawazwa kuwa Miss Colorado mnamo Mei 2023 kabla ya kushiriki fainali za mashindano hayo.
Mwanadada Madison ndie afisa wa kwanza anayehudumu katika jeshi la Marekani kutwaa taji la umiss katika mashindano ya urembo, akitengeneza historia mpya ya nchi hiyo. Marsh, ambae alisoma katika Chuo Kikuu cha Harvard alihitimu kutoka Chuo cha Jeshi la Wanahewa la Marekani (USAFA) na kuteuliwa kama Afisa wa Jeshi la Wanahewa mwaka jana.
Mzaliwa huyo wa jimbo la Arkansas aliamua kujaribu kushindana katika mashindano kama shughuli ya ziada akiwa chuo cha Jeshi la wanahewa (USAFA) Kupitia mahojiano, binti huyu alisema anapenda kushindana katika mashindano ya urembo kutokana na ‘vipengele vya huduma kwaajili ya jamii’ na kuzingatia kuzungumza mbele ya umma huku akipongeza jinsi mfumo wa mashindano umebadilika, haswa kuhusisha na usawa wa wanawake na kwamba kitendo cha yeye kuwa mwanajeshi hakikumzuia kushiriki kwenye mashindano ya urembo; yani mtu yeyote anaweza kufanya chochote anachokipenda.
