Katika uzinduzi wa kampeni za CCM Mkoani Dodoma leo August 29, 2020 President JPM amezungumza na hapa nakusogezea ahadi alizotoa akiwa jukwaani.
“Wataalamu wetu ambao wanaweza kutibu kienyeji watatambuliwa badala ya kupuuzwa, maendeleo hayana Vyama, nawaomba kura wote, Wanachama wa CCM nawaomba kura, CHADEMA nawaomba kura, ACT nawaomba kura, CUF na Vyama vyote hadi wasio na Vyama wote nawaomba kura”-JPM
“Tumepanga kuongeza idadi ya watalii hadi kufikia Mil 5 2025, na mapato kutoka Dola Bil 2.6 hadi Dola Bil 6, tutapanua wigo wa vivutio vya Utalii, ikiwemo kukuza Utalii wa mikutano na uwindaji wa Wanyamapori na kuimarisha utalii wa fukwe” JPM
“Katika Awamu ya Pili tutahakiksha tunanunua Ndege zingine Tano, Moja ikiwa ya mizigo ambayo itakuwa ikienda moja kwa moja Ulaya” JPM
“Tutatengeneza nguo hapa Tanzania ili tuzivae wao tuwapelekee mitumba, tutatenga fedha za kuziandaa Timu zetu za Taifa,tutaweka mikakati ya kuwasaidia Wasanii ikiwemo kuwapa mikopo, hii michezo na sanaa tutavibeba, tutazidi kudhibiti rushwa na ufisadi”-JPM
“Mliotutuma miaka 5 iliyopita tumeyafanya vizuri, tupeni tena miaka 5 mingine, tuendelee kuwa wamoja mambo mazuri makubwa yanakuja, tutaendelea kusimamia amani, umoja na mshikamano,tutaulinda Muungano na Mapinduzi ya Zanzibar, tutakuza uchumi, tutapunguza riba kwenye Mabenki”-JPM
“Uwanja wa Jamhuri umejaa na kule nje kumefurika kwelikweli, hii inanipa changamoto kwamba nikiwa Rais tena cha kwanza nitajenga Uwanja Dodoma ili Wananchi wakiingia Uwanjani pawe panatosha, nawashukuru sana wote mliofika”-JPM
