Ali Kamwe afunguka, ‘Tutacheza mchezo wetu wa kwanza hatua ya awali CAFCL dhidi ya ASAS

Ni Agosti 15, 2023 ambapo Afisa habari wa Young Africans, Ali Kamwe amezungumza na vyombo vya habari Jijini Dar es Salaam.

“Napenda kuchukua nafasi hii kuwakaribisha Wanahabari na Mashabiki wetu wote wanaotufatilia Mubashara kupitia Azam TV na leo nimekuja kuwapa taarifa za Mashindano ya Kimataifa na Hali ya Kikosi chetu baada ya mechi ya fainali Ngao Jamii,

“Tutacheza mchezo wetu wa kwanza hatua ya awali CAFCL dhidi ya ASAS Djibouti kwenye Uwanja wa Azam Complex, Chamazi tarehe 20.08.2023 majira ya saa 11:00 jioni”- Ali Kamwe

“Michezo yote miwili ya hatua ya awali #CAFCL dhidi ya ASAS Djibouti itachezwa kwenye Uwanja wa Azam Complex, Chamazi”- Ali Kamwe

“Viingilio vya mchezo wetu wa kwanza, Jumapili dhidi ya ASAS Djibouti kwenye Uwanja wa Azam Complex, Chamazi ni:
VIP A – tsh 30,000
VIP B – tsh 20,000
Mzunguko – tsh 5,000

Na kuanzia sasa tiketi zimeshaanza kuuzwa Makao Makuu ya Klabu Jangwani na tutatangaza vituo vingine kupitia mitandao yetu ya kijamii”- Ali Kamwe