Rais wa Zanzibar, Dkt. Hussein Mwinyi amesema yeye ni muumini wa Umoja wa Kitaifa, mshikamano, udugu na maridhiano akiamini ni njia nzuri ya kujenga umoja na ustawi wa nchi.
Amesema maridhiano ya kweli yanajengwa kwa Dhamira, Uvumilivu na Kuaminiana akiongeza kuwa, Viongozi hawana budi kufahamu maslahi ya wananchi ndio jambo la msingi.
Ameongeza, tofauti zao zisiwe kikwazo cha maendeleo huku akihimiza wananchi wote kuwa kitu kimoja na kuunga mkono juhudi hizo zinazolenga kuimarisha umoja na mshikamano wa kitaifa.
