Mwanamume wa makamo anayetambulika kama Tonny Sherman amefurahishwa baada ya mwanamke aliyekutana naye wiki tatu zilizopita wakati wa maandamano ya kupinga muswada wa fedha kukubali pendekezo lake la kumuoa.
Kulingana na Tonny, walipendana haraka na sasa wamechumbiana wiki tatu baada ya kukutana kwa mara ya kwanza katika maandamano ya kupinga muswada wa fedha wa 2024 huko nchini Kenya, vyombo vya habari vimeripoti.
Amesimulia jinsi alivyokutana na mpenzi wake Kendi katika eneo la katikati mwa jiji la Nairobi wakati wa maandamano huku wakipiga kelele za kumpinga Ruto, walifahamiana na kubadilishana mawasiliano, iliyobaki ni historia.
Tonny amechapisha picha katika ukurasa wake wa Facebook na kuandika “wiki 3 tu baada ya kukutana na wangu wa kufanana naye kamili katika maandamano, niliamua kumchumbia.
Nakumbuka sote wawili tulikuwa na bango lililoinuliwa sana tulipokuwa tukiimba “Ruto lazima aende” katikati ya wimbo tulilazimika kujuana zaidi, na hapa tumefika sasa! Nakupenda Kendi!.”
