Baada ya ukimya wa takriban miezi mitano hatimaye msanii kutokea lebo ya Bxtra Records, Jaivah ameachia ngoma yake mpya ya kuitwa “Kautaka” ambayo amemshirikisha msanii kutokea Afrika Kusini JFS Music.
“Kautaka” ni ngoma ya kwanza ya Jaivah kwa mwaka 2023 na inakuja takribani miezi mitano tangu aachie ngoma yake ya Buruda akiwa na Marioo.
Kama ambavyo ilikuwa kwenye “Buruda”, “Kautaka” ni ngoma kali ya Amapiano yenye vibe la kutosha ambayo bila shaka itaenda kusumbua kwenye clubs na kumbi mbalimbali starehe.
Ngoma hii imejaa mashahiri mepesi na ambayo mtu yeyote bila kujali lugha anaweza kusikiliza.
Kautaka inapatikana sasa kwenye digital platforms zote.
