Baada ya kuitumikia Man United kwa miaka sita beki wa kimataifa wa Ivory Coast Eric Bailly ameondoka Man United na kwenda kujiunga na Olympic Marseille kwa mkopo hadi mwisho wa msimu wenye kipengele cha kumnunua jumla endapo ataonesha uwezo mzuri.
Bailly ambaye pia amekumbwa na changamoto ya majeruhi ya mara kwa mara atasajiliwa na Marseille jumla endapo tu timu itafuzu kucheza michuano ya UEFA Champions League huku mchezaji huyo akiweza kutimiza kwa kucheza idadi fulani ya mechi kwa msimu husika.
Eric Bailly alikuwa na wakati mzuri zaidi Man United ikiwa chini ya kocha José Mourinho na kwa kipindi chote cha miaka sita amecheza jumla ya mechi 133 na kufunga goli moja sambamba na kutwaa mataji ya EFL Cup, Europa League na Community Shield.
VIDEO: HAJI MANARA AMJIA JUU CEO BARBARA WA SIMBA SC, AMPIGA KIJEMBE
