Baraza Kuu la Umoja wa Mataifa lilipitisha kwa wingi azimio la kutaka “kusitishwa kwa mapigano mara moja, bila masharti na kudumu” huko Gaza pamoja na kuachiliwa kwa mateka wote wanaoshikiliwa katika mzozo huo.
Azimio hilo, linalohimiza upatikanaji wa haraka wa kibinadamu, lilipitishwa kwa kura 158 za ndio, tisa zilipinga na 13 hazikushiriki.
Likiwasilishwa na ujumbe wa Palestina kwa Umoja wa Mataifa, azimio hilo linadai upatikanaji wa haraka wa huduma muhimu na misaada ya kibinadamu kwa raia huko Gaza.
Likikataa wazi hatua zozote zinazolenga kuwasababishia njaa Wapalestina, azimio hilo linataka kufikishwa kwa usaidizi bila vikwazo katika maeneo yote, ikiwa ni pamoja na kaskazini mwa Gaza inayozingirwa, ambako misaada ya haraka ni muhimu.
