Barcelona wameomba radhi kwa Vinícius Júnior baada ya mkurugenzi wa klabu kukanusha unyanyasaji wa kibaguzi aliofanyiwa fowadi huyo wa Real Madrid na kusema kwamba anastahili “kupigiwa makofi.”
Chapisho kwenye mtandao wa kijamii wa X kutoka Miquel Camps, ambalo sasa limefutwa, lilionekana baada ya Vinicius kufanya hatua kadhaa wakati Real Madrid iliposhinda 2-1 dhidi ya Braga kwenye Ligi ya Mabingwa.
Camps aliandika: “Sio ubaguzi wa rangi, anastahili kupigiwa makofi .
“Ikiwa Vinícius ananisikiliza, nataka kusema kwamba hii haitarudiwa,” Yuste aliiambia Movistar. “Hata kama ilikuwa kosa, haikupaswa kuchapishwa. Ilikuwa [chapisho] lisilofaa.
Vinícius amekuwa akilengwa mara kwa mara kwa dhuluma za kibaguzi kutoka kwa wafuasi wa upinzani wakati wa mechi za LaLiga, pamoja na Sevilla wikendi iliyopita.
Mchezaji huyo wa kimataifa wa Brazil alitoa ushahidi mapema mwezi huu katika kesi inayowakabili mashabiki watatu wa Valencia wanaotuhumiwa kumdhulumu wakati wa mchezo mwezi Mei.
