Barcelona wanataka kusajili winga mpya na wanavutiwa na Luis Diaz wa Liverpool msimu huu wa joto, linasema Sport.
Xavi anahisi klabu hiyo haijachukua nafasi ya Ousmane Dembele tangu alipoondoka kwenda PSG msimu uliopita wa joto.
Winga huyo alirejea tena kuisumbua klabu hiyo ya Catalan alipofunga bao kwenye njia ya PSG kuwaondoa Barcelona kwenye Ligi ya Mabingwa wiki iliyopita.
Ripoti hiyo inadai kwamba Diaz anataka kuhama msimu huu wa joto lakini Barcelona watajitahidi kufanya kazi hiyo kifedha.
Babake Diaz, Luiz Manuel, aliwahi kukiri kuwa mwanawe ni shabiki wa Barcelona.
Kuhusu ripoti zilizohusisha mwanawe na Barcelona siku za nyuma, alisema: “Ukweli ni kwamba najua kidogo sana kuhusu Barcelona kwa sasa.
“Ni kweli kwamba Luis ni shabiki mwaminifu wa Barcelona na itakuwa ndoto yake kwenda huko.
“Mpaka sasa ningependa kuwashukuru Porto na Liverpool kwa jinsi walivyomkaribisha na kumpokea. Hakutakuwa na tatizo kama Luis angekuja Barcelona kwa sababu ni timu ya juu na mojawapo ya bora zaidi duniani.”
Lakini ripoti hiyo inadai Liverpool “itaweka ugumu” kwa Barca kumsajili Diaz.
