Club ya Bayer Leverkusen imeshinda Ubingwa wa Ligi Kuu ya Ujerumani kwa mara ya kwanza katika historia yao baada ya kuifunga 5-0 Werder Bremen.
Bayer Leverkusen wanashinda Ubingwa huo wakiwa na michezo mitano imesalia mkononi kwani alama 79 walizonazo haziwezi kufikiwa na timu yoyote hata kama watapoteza michezo yao mitano iliyobaki.
Leverkusen ni timu iliyoanzishwa miaka 120 iliyopita ndio kwa mara ya kwanza inatwaa Kombe hilo huku ikiwa na rekodi ya kucheza mechi 43 za mashindano yote bila kupoteza na imemaliza ubabe wa Bayern Munich wa kutwaa Bundlesliga kwa miaka 11 mfululizo.
