Kocha wa Timu ya Taifa ya Ufaransa Didier Deschamps amewaacha njia panda mashabiki wa soka waliokuwa na shauku ya kutaka kujua msimamo wake kuhusiana na mshambuliaji wake Karim Benzema kama atamrejesha kwa ajili ya mchezo wa fainali au la.
Wote tunafahamu Karim Benzema aliondolewa katika kikosi cha Ufaransa siku chache kabla ya kuanza kwa Kombe la dunia nchini Qatar sababu ya majeruhi lakini jina lake halikuondolewa katika usajili wa FIFA.
Hivyo baada ya kuonekana kuanza mazoezi na kurejea Real Madrid fununu zimeanza kuwa huenda akarudi kucueza fainali kitu ambacho kocha wa Ufaransa Didier Deschamps amekataa kutoa jibu “Sitaki kulijibu hilo swali jingine”
Jumapili utachezwa mchezo wa fainali ya Kombe la Dunia 2022 nchini Qatar kati ya Bingwa mtetezi Ufaransa dhidi ya Argentina ambao kizazi cha akina Lionel Messi hakijawahi kutwaa Kombe hilo.
