Rais mteule wa Marekani Joe Biden amesema atawaomba raia wa Marekani kuvaa barakoa siku 100 za mwanzo za utawala wake ili kupunguza maambukizi ya virusi vya corona.
Biden amezungumza hayo kwenye mahojiano na kituo cha habari cha CNN, anasema anaamini kuwa itasaidia maambukizi ya corona kupungua kama kila Mmarekani atavaa barakoa.
Amesema pia kuwa atatoa amri katika majengo yote ya Serikali watu wavae barakoa.
Marekani ina rekodi ya maambukizi ya corona Milioni 14 na vifo vinavyotokana na ugonjwa ni 275,000.
Katika mahojiano aliyoyafanya na Jake Tapper wa CNN, Biden amesema: “Siku ya kwanza nitakayoapishwa nitawaomba wananchi kuvaa barakoa kwa siku 100 na sio milele.
“Na nadhani itaweza kusaidi kupunguza maambukizi kwa kiasi kikubwa sana, kama chanjo na barakoa zitaweza kupunguza maambukizi,”.
“HUYU MTOENI ASIRUDI” MKURUGENZI ALIEMDHARAU WAZIRI MKUU ATUMBULIWA PAPO HAPO
