Katika hali ambayo haikutarajiwa, mwanamitindo na nyota wa Marekani, Blac Chyna, amemtangaza mwanasosholaiti wa Nigeria Idris Okuneye, maarufu Bobrisky, kuwa balozi wa chapa yake ya kifahari ya Hearts Pure.
Chyna alitumia post yake ya Instagram kuelezea furaha yake na kumkaribisha Bobrisky kwenye timu.
Ingawa maelezo ya mpango wa uidhinishaji hayakufichuliwa katika page yake ya Instagram, Chyna alishiriki video fupi ambapo alijadili ushirikano na bob na kuelezea shauku yake ya kuwa na Bobrisky kwenye bodi yake.
Tangazo hilo liliwashangaza wengi, likichochea zaidi matarajio ya ushirikiano kati ya nyota huyo wa Marekani na mwanamiotandao huyo wa Nigeria.
Chyna aliandika;”Nina furaha sana kwamba sasa wewe ni sehemu ya timu ya Hearts Pure.”
“I am so excited that you are now a part of the Hearts Pure team.”
Bobrisky, akijibu post hilo, alitoa shukrani zake kwa Chyna kwa kumkabidhi jukumu la kuwa balozi wa brand yake na aliwahakikishia Chyna na Hearts Pure kwamba angetimiza wajibu wake na kutimiza matarajio yaliyowekwa kwake.
Bobrisky aliandika;
“Asante, Blac Chyna, kwa kuamini ujuzi wangu wa ushawishi ninakuahidi kamwe sitaiacha brand yako. Mwisho, asante kwa kunifuata.”
“Thank you, Blac Chyna, for trusting my influencing skills. I promise never to let your brand down. Lastly, thank you for following me”
