Kocha mpya wa Uruguay Marcelo Bielsa aliwaacha washambuliaji wakongwe Edinson Cavani na Luis Suárez nje ya kikosi chake siku ya Jumatatu kwa raundi mbili za kwanza za kufuzu kwa Kombe la Dunia la Amerika Kusini.
Bielsa alichukua kibarua cha Uruguay mwezi Mei kwa lengo la kukiimarisha kikosi, na kipa mwenye umri wa miaka 30 Sergio Rochet ndiye mchezaji mwenye umri mkubwa zaidi kuchaguliwa katika mechi dhidi ya Chile mjini Montevideo siku ya Ijumaa na Ecuador mnamo Septemba 12.
Cavani na Suárez wote wana umri wa miaka 36 na wanachezea vilabu vya Amerika Kusini sasa. Cavani yuko Boca Juniors nchini Argentina, na Suárez anachezea Gremio nchini Brazil.
Darwin Núñez wa Liverpool anatarajiwa kuongoza safu ya ushambuliaji ya Uruguay.
Bielsa pia alijumuisha washambuliaji wawili wanaocheza MLS – Facundo Torres wa Orlando City na Cristian Olivera wa Los Angeles FC.
